Քննության առնելով գործով գլխավոր մասնագետ-հողաշինարար Ա.Կարապետյանի կողմից կազմված 19.06.2014թ. վարչական իրավախախտման վերաբերյալ արձանագրությունը` հաստատվում է, որ <<ՄԵՏՊՐՈԳՐԵՍ>> ՍՊԸ-ի կողմից ինքնակամ զավթվել և շարունակվում է արդյունաբերական նպատակներով օգտագործվել ք. Եղեգնաձոր, ,,Աղասաֆի,, հանդամասում գտնվող 10-001-0383 ծածկագրով 1.7 և 4.3 հա մակերեսով համայնքային սեփականություն հանդիսացող հողատարածքները:
<<ՄԵՏՊՐՈԳՐԵՍ>> ՍՊԸ-ի կողմից թույլ է տրվել իրավախախտում, որը Վարչական իրավախախտումների վերաբերյալ ՀՀ օրենսգրքի 48-րդ հոդվածի առաջին մասով հանգեցնում է վարչական պատասխանատվության՝ տուգանքի նշանակում նվազագույն աշխատավարձի երկուհարյուրապատիկի չափով:Մինույն ժամանակ նույն օրենսգրքի 37-րդ հոդվածի համաձայն՝ վարչական տույժ կարող է նշանակվել իրավախախտում կատարելու օրվանից ոչ ուշ, քան երկու ամսվա ընթացքում, իսկ շարունակվող և տևող իրավախախտումների դեպքում՝ այն բացահայտվելու օրվանից երկու ամսվա ընթացքում:
Ելնլով վերոգրյալից և հաշվի առնելով այն հանգամանքը, որ <<ՄԵՏՊՐՈԳՐԵՍ>> ՍՊԸ-ի կողմից ,,Աղասաֆի,, հանդամասում գտնվող համայնքային սեփականություն հանդիսացող 10-001-0383 ծածկագրով 1.7 և 4.3 հա մակերեսով հողամասերը տևական ժամանակ ինքնակամ զավթվել և շարունակվում են արդյունաբերական նպատակներով օգտագործվել մինչ օրս՝
-
<<ՄԵՏՊՐՈԳՐԵՍ>> ՍՊԸ-ի տնօրեն Գ. Հարությունյանին համայնքային սեփականություն հանդիսացող հողամասերն ինքնակամ զավթելու և դրա հետևանքները չվերացնելու համար ենթարկել վարչական պատասխանատվության՝ նշանակելով տուգանք 200 000 / երկու հարյուր հազար/ ՀՀ դրամի չափով:
- Տուգանքը վճարել 900355101065 հաշվեհամարին;
- Սույն որոշումը կարող է բողոքարկվել օրենքով սահմանված կարգով և ժամկետում: