Տեղեկացնում ենք, որ Գերմանիայի միջազգային համագործակցության ընկերության (ԳՄՀԸ, GIZ) և ՀՀ տարածքային կառավարման և ենթակառուցվածքների նախարարության կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում գործող ՀՀ համայնքների սոցիալ-տնտեսական զարգացման դրամաշնորհային հիմնադրամի նոր փուլով հայտարարվում է ծրագրային հայտ-առաջարկների կանչ:
Ծրագրային առաջարկները պետք է առնչվեն Միավորված ազգերի կազմակերպության (ՄԱԿ) 2030 Օրակարգին և դրա շրջանակում սահմանված կայուն զարգացման նպատակներին: Դրամաշնորհի չափը կարող է լինել 4-ից 16 միլիոն ՀՀ դրամ: Համայնքապետարանը կֆինանսավորի ծրագրի ընդհանուր արժեքի առնվազն 10%-ը:
Կարևորելով մասնակցային կառավարման դերը համայնքի զարգացման գործում՝ հայտարարվում է ծրագրային առաջարկների համայնքային մրցույթ, որի արդյունքում ընտրված ծրագիրը համայնքապետարանի կողմից կներկայացվի Հիմնադրամ՝ դրամաշնորհ ստանալու նպատակով:
Ձեր ծրագրային առաջարկները կարող եք ներկայացնել մինչև ապրիլի 28-ը՝ այցելելով Եղեգնաձորի համայնքապետարան կամ վարչական ղեկավարների նստավայրեր: Ծրագրային առաջարկները կարող եք ուղարկել նաև yeghegnadzor@gmail.com էլեկտրոնային հասցեին:
Ծրագրի մանրամասները և ՄԱԿ-ի 2030 օրակարգի շրջանակում սահմանված կայուն զարգացման նպատակները ներկայացված են ներբեռնված ֆայլերում: