Ղեկավարվելով Հայաստանի Հանրապետության «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Նորմատիվ իրավական ակտերի մասին» Հայաստանի Հանրապետության օրենքի 38-րդ հոդվածի 1-ին մասով, Հայաստանի Հանրապետության հողային օրենսգրքի 64-րդ հոդվածի 2-րդ և 3-րդ մասերի պահանջներով, հիմք ընդունելով Մալիշկայի հողային բարեփոխումների և սեփականաշնորհման տեղական հանձնաժողովի 1991 թվականի ապրիլի 9-ի N 4 որոշման քաղվածքը, 2024 թվականի ապրիլի 22-ի թիվ 1217, 1246 ըստ օրենքի ժառանգության իրավունքի վկայագրերը, առաջին պետական գրանցման հանգամանքը և Զավեն Արմենի Հարությունյանի լիազորված անձ Նարգիզ Սամվելի Հարությունյանի դիմումը․

1. Ճանաչել քաղաքացի՝ Զավեն Արմենի Հարությունյանի (ծնված` 1983թ.) սեփականության իրավունքը Եղեգնաձոր համայնքի Մալիշկա բնակավայրի 16-րդ փողոց, 13 հողամաս հասցեում գտնվող, հողաբաժնի չափից ավել օգտագործվող 635.7 քմ բնակելի կառուցապատման հողամասի նկատմամբ։

2. Սույն որոշման առաջին կետում նշված ավել օգտագործվող 635.7 քառ. մ հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին և այդ իրավունքի ճանաչումը չի սահմանափակում այլ անձանց իրավունքները և չի առաջացնում սերվիտուտ:

3․ Անվավեր ճանաչել Եղեգնաձոր համայնքի ղեկավարի 2024 թվականի հուլիսի 10-ի՝ «Ավել օգտագործվող բնակելի կառուցապատման հողամասի նկատմամբ սեփականության իրավունքի ճանաչման մասին» թիվ 497-Ա որոշումը։

4. Սույն որոշումն ուժի մեջ է մտնում հրապարակմանը հաջորդող օրվանից: