Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2002 թվականի փետրվարի 2-ի N 88 որոշմամբ հաստատված կարգի, Հայաստանի Հանրապետության կառավարության 2021 թվականի ապրիլի 15-ի թիվ 600-Ն որոշման պահանջներով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման պահանջներով, հիմք ընդունելով Արմեն Համբարձումյանի կողմից ներկայացված դիմումը /մուտքի թիվ՝ 482/ և այն հանգամանքը, որ Եղեգնաձոր համայնքի, Եղեգնաձոր բնակավայրի Սևակի փողոց 2 շենք, 1 գրասենյակ հասցեում գտնվող շինությանը կից կառուցված ինքնակամ կառույցի (առևտրի սրահ, բաց պատշգամբ) պահպանումը չի խախտում այլ անձանց իրավունքներն ու օրենքով պահպանվող շահերը, վտանգ չի սպառնում կյանքին և առողջությանը, ինքնակամ կառույցը կառուցված չէ ՀՀ հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում, քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, չի հակասում սահմանված կարգով հաստատված գլխավոր հատակագծերի, քաղաքաշինական գոտիավորման նախագծերի, հողերի օգտագործման սխեմաների և քաղաքաշինական ծրագրերի պահանջներին.

1. Եղեգնաձոր համայնքի Եղեգնաձոր քաղաքի Սևակի փողոց 2 շենք, 1 գրասենյակ հասցեում գտնվող, քաղաքացի Արմեն Ռադիկի Համբարձումյանին սեփականության իրավունքով պատկանող 86.8 քմ մակերեսով գրասենյակի գործառնական նշանակությունը փոփոխել՝ դարձնելով առևտրի սրահ, առանց ճարտարապետահատակագծային առաջադրանքի ու շինարարության թույլտվության:

2. Եղեգնաձոր համայնքի Եղեգնաձոր քաղաքի Սևակի փողոց 2 շենք, 1 գրասենյակ հասցեում գտնվող, Արմեն Ռադիկի Համբարձումյանին սեփականության իրավունքով պատկանող (անշարժ գույքի նկատմամբ իրավունքների պետական գրանցման վկայական N 16112015-10-0003) առևտրի սրահին կից ինքնակամ կառուցված՝ 19.17 քմ ներքին մակերեսով և 23․58 քմ արտաքին մակերեսով շինությունը (առևտրի սրահ, բաց պատշգամբ) համարել օրինական (որակավորում ունեցող անձի կողմից չափագրման տվյալների մուտքագրման ծածկագիր՝ 2023UDPCSM): 

3․ Առաջարկել կառույցն իրականացրած Արմեն Ռադիկի Համբարձումյանին (ծնված՝ 01.10.1973թ.) 1քմ շինության օրինականացման համար Եղեգնաձորի համայնքապետարանի 900355101099 հաշվեհամարին վճարել՝ 3938 (երեք հազար իննը հարյուր երեսունութ) ՀՀ դրամ, ընդամենը 92 860 (իննսուներկու հազար ութ հարյուր վաթսուն) ՀՀ դրամ՝ հաշվի առնելով Հայաստանի Հանրապետության կառավարության 2020 թվականի հունիսի 6-ի թիվ 1023-Ն որոշմամբ հաստատված գործակիցները:

4․ Կառույցը համապատասխանում է համայնքային նշանակության քաղաքաշինության համալիր ծրագրով նախատեսված գոտիներում գտնվող կառույցների ծրագրերի պայմաններին:

5․ Սույն որոշման ընդունման օրվանից օրինականացման համար սահմանված վճարը 60 օրյա ժամկետում չվճարելու դեպքում որոշումը համարվում է ուժը կորցրած:

6. Ուժը կորցրած ճանաչել Եղեգնաձոր համայնքի ղեկավարի 2024 թվականի մարտի 7-ի՝ «Ինքնակամ կառույցի օրինականացման և հասցեի տրամադրման մասին» թիվ 202-Ա որոշումը։

7․ Սույն որոշումն ուժի մեջ է մտնում որոշման մասին անձին տեղեկացնելու պահից: