Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ  կետի, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասի դրույթներով, հիմք ընդունելով Եղեգնաձոր համայնքի ավագանու 13․03․2020թ․-ի թիվ 41-Ա որոշումը, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշման պահանջները և օրինական կառույցը գնելու վերաբերյալ Արմեն Աշոտի Խալաթյանի կողմից գնման համաձայնությունը.

1.Համայնքի ղեկավարի կողմից օրինական ճանաչված համայնք Եղեգնաձոր ք., Երևանյան խճուղի 1/3 հասցեում գտնվող համայնքային  սեփականություն հանդիսացող 119․57 քմ   մակերեսով գինու համտեսի սրահը և զբաղեցրած ու սպասարկման համար առանձնացված 0,0238 հա մակերեսով հողատարածքն  ուղղակի վաճառքով վաճառել Արմեն Աշոտի Խալաթյանին շինության համար 1468890 ՀՀ դրամ և հողատարածքի համար 295596 ՀՀ դրամ արժեքով:

2. Քաղաքացու հետ կնքել առուվաճառքի պայմանագիր:  

3. Ուժը կորցրած ճանաչել համայնքի ղեկավարի 23․12․2020թ․-ի «ԵՂԵԳՆԱՁՈՐ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՕՐԻՆԱԿԱՆ ԿԱՌՈՒՅՑԻ ՕՏԱՐՄԱՆ ՎԵՐԱԲԵՐՅԱԼ» թիվ 279 որոշումը։

4. Սույն որոշումն ուժի մեջ է մտնում անձին որոշման մասին իրազեկելու պահից: